رمضان كلك فتوه وصحيح دينك عليه
وأنا في ذا الوقت معسر وأشتهي الإرفاق بيه
حتى تروى الأرض بالنيل ويباع القرط بدري
واعطك الدرهم ثلاثة وأصوم شهرين وما أدري
وان طلبتني في ذا الوقت فأنا أثبت عسري
فامتهل واربح ثوابي لا تربحني خطيه
وتخليني أسقف طول نهاري لا عشيه
لك ثلاثين يوم عندي اصبر اعطي المثل مثلين
وإن عسفتني ذا الأيام ما اعترفت لك قط بالدين
وانكرك واحلف وقل لك أنت من أين وأنا من أين
وأهرب اقعد في قمامه أو قلالي بولشيه
واجي في عيد شوال واستريح من ذي القضيه
وإلا خذ مني نقيده في المعجل نصف رحلك
صومي من بكره إلى الظهر وأقاسي الموت لاجلك
وأصوم لك شهر طوبة ويكون من بعض فضلك
إيش أنا في رحمة الله من أنا بين البريه
أنا إلا عبد مقهور تحت أحكام المشيه
من زبون نحس مثلي رمضان خذ ما تيسر
أنت جيت في وقت لو كان الجنيد في مثله أفطر
هون الأمور ومشي بعلي ولا تعسر
وخذ ايش ما سهل الله ما الزبونات بالسويه
الملكي خذ منو عاجل وامهل المعسر شرويه
ذي حرور تذوب القلب ونهار أطول من العام
ونا عندي أي من صام رمضان في ذي الأيام
% ذاك يكون الله في عونه ويكفر عنو الآثام %
وجميع كلامي هذا بطريق المصخريه